آخر اداس اداس طبیعت بھی کیا کرے

آخر اداس اداس طبیعت بھی کیا کرے

اب میرا دل کسی سے محبت بھی کیا کرے

تپتی رہی زمین کڑی دھوپ میں پڑی

سورج کی روشنی کی شکایت بھی کیا کرے

پتھر بنا کے چھوڑ گئے جس کو ہم سفر

اب اس کے ساتھ اور مصیبت بھی کیا کرے

سب جانتے ہیں ضبط کا ذمہ ہمیں پہ ہے

باغی نہیں ہے دل تو بغاوت بھی کیا کرے

لڑنے کو جب کسی سے میں تیار ہی نہیں

پروازؔ مجھ سے کوئی عداوت بھی کیا کرے

akhir udas udas tabiat bhi kya kare

ab mera dil kisi se mohabbat bhi kya kare

tapti rahi zamin kari dhup mein pari

suraj ki raushni ki shikayat bhi kya kare

patthar bana ke chhor gae jis ko ham safar

ab us ke sath aur musibat bhi kya kare

sab jante hain zabt ka zimma hamen pe hai

baghi nahin hai dil to baghawat bhi kya kare

larne ko jab kisi se main tayyar hi nahin

parwaz mujh se koi adawat bhi kya kare