مٹیں گے میرے دل سے رنج و غم آہستہ آہستہ

مٹیں گے میرے دل سے رنج و غم آہستہ آہستہ

قرار آئے گا تجھ کو چشم نم آہستہ آہستہ

یقیناً ایک دن منزل انہیں کے پاؤں چومے گی

بڑھائے جا رہے ہیں جو قدم آہستہ آہستہ

ہمارے حال پہ اک دن کرم کی بارشیں ہوں گی

فنا ہو جائے گی رسم ستم آہستہ آہستہ

ابھی تو رفتہ رفتہ یہ زباں بندی تک آئے ہیں

پھر اس کے بعد چھینیں گے قلم آہستہ آہستہ

ہماری شاعری پروازؔ ایسا سلسلہ ٹھہری

کیا جس میں خیالوں کو رقم آہستہ آہستہ

mitenge mere dil se ranj-o-gham ahista ahista

qarar aega tujh ko chashm-e-nam ahista ahista

yaqinan ek din manzil unhen ke paon chumegi

barhae ja rahe hain jo qadam ahista ahista

hamare hal pe ik din karam ki barishen hongi

fana ho jaegi rasm-e-sitam ahista ahista

abhi to rafta rafta ye zaban bandi tak ae hain

phir is ke baad chhinenge qalam ahista ahista

hamari shayari parwaz aisa silsila thahri

kiya jis mein khayalon ko raqam ahista ahista