دل غم سے بھی بیزار ہے معلوم نہیں کیوں

دل غم سے بھی بیزار ہے معلوم نہیں کیوں

یہ عیش بھی اب یار ہے معلوم نہیں کیوں

عالم ہمہ دل دار ہے معلوم نہیں کیوں

جو غم ہے غم یار ہے معلوم نہیں کیوں

اب حسن بھی کچھ سامنے آنے میں ہے محتاط

اب عشق بھی خوددار ہے معلوم نہیں کیوں

وہ عشق جو ہر جلوۂ رنگیں پہ فدا ہے

خود اپنا طلب گار ہے معلوم نہیں کیوں

کچھ روز سے وہ کیفؔ جو اک گوشہ نشیں تھا

رسوا سر بازار ہے معلوم نہیں کیوں

dil gham se bhi bezar hai maalum nahin kyun

ye aish bhi ab yar hai maalum nahin kyun

alam hama dil dar hai maalum nahin kyun

jo gham hai gham-e-yar hai maalum nahin kyun

ab husn bhi kuchh samne ane mein hai mohtat

ab ishq bhi khuddar hai maalum nahin kyun

wo ishq jo har jalwa-e-rangin pe fida hai

khud apna talab gar hai maalum nahin kyun

kuchh roz se wo kaif jo ik gosha nashin tha

ruswa sar-e-bazar hai maalum nahin kyun