اے جنون بندگیٔ شوق یہ کیا کر دیا

اے جنون بندگیٔ شوق یہ کیا کر دیا

ان کے دھوکے میں نہ جانے کس کو سجدہ کر دیا

خود انہوں نے اپنا راز حسن افشا کر دیا

جس طرف بھی آنکھ اٹھائی حشر برپا کر دیا

کاش وہ غم تا ابد دل پر رہے سایہ فگن

جس نے دل کو بے نیاز دین و دنیا کر دیا

تم ہی سوچو کیفؔ اب کس کا ہو مجھ کو اعتبار

خود مری آنکھوں نے میرا راز افشا کر دیا

ai junun-e-bandagi-e-shauq ye kya kar diya

un ke dhoke mein na jane kis ko sajda kar diya

khud unhon ne apna raz-e-husn ifsha kar diya

jis taraf bhi ankh uthai hashr barpa kar diya

kash wo gham ta abad dil par rahe saya fagan

jis ne dil ko be niyaz-e-din-o-duniya kar diya

tum hi socho kaif ab kis ka ho mujh ko etibar

khud miri ankhon ne mera raz ifsha kar diya