اب سوچتا ہوں جاؤں تو جاؤں کدھر کو میں
Kaif Moradaabadi (1907–1976)اب سوچتا ہوں جاؤں تو جاؤں کدھر کو میں
اے کاش چھوڑتا نہ تری رہ گزر کو میں
دل غم کا آئنہ ہے نظر دل کا آئنہ
کیسے چھپاؤں سوز نہاں کے اثر کو میں
عالم تمام ایک فریب نگاہ ہے
اب کیا دکھاؤں چشم حقیقت نگر کو میں
مدہوشیوں میں ٹوٹ گیا دل کا آئنہ
اب کیسے منہ دکھاؤں گا آئینہ گر کو میں
ان کی نظر خدا نہ کرے منفعل ہو کیفؔ
دیکھوں نہ کاش جذبۂ غم کے اثر کو میں
ab sochta hun jaun to jaun kidhar ko main
ai kash chhorta na tiri rah guzar ko main
dil gham ka aina hai nazar dil ka aina
kaise chhupaun soz-e-nihan ke asar ko main
alam tamam ek fareb-e-nigah hai
ab kya dikhaun chashm-e-haqiqat nagar ko main
madhoshiyon mein tut gaya dil ka aina
ab kaise munh dikhaunga aina gar ko main
un ki nazar khuda na kare munfail ho kaif
dekhun na kash jazba-e-gham ke asar ko main