زندگی کا کوئی حس کیسے ادا کرتے ہیں

زندگی کا کوئی حس کیسے ادا کرتے ہیں

جو محبت نہیں کرتے ہیں وہ کیا کرتے ہیں

درس عبرت ہے دم صبح نزول شبنم

گلستاں روتا ہے اور پھول ہنسا کرتے ہیں

طالبان کرم یار طلب سے پہلے

اپنے دامن کی طرف دیکھ لیا کرتے ہیں

ان کی مرضی ہے ہمیں یاد کریں یا نہ کریں

ہم بہ ہر حال انہیں یاد کیا کرتے ہیں

زندہ درگور ہوں میں کثرت آلام سے کیفؔ

لوگ پھر بھی مرے جینے کی دعا کرتے ہیں

zindagi ka koi his kaise ada karte hain

jo mohabbat nahin karte hain wo kya karte hain

dars-e-ibrat hai dam-e-subh nuzul-e-shabnam

gulsitan rota hai aur phul hansa karte hain

taliban-e-karam-e-yar talab se pahle

apne daman ki taraf dekh liya karte hain

un ki marzi hai hamen yad karen ya na karen

ham ba har hal unhen yad kiya karte hain

zinda dargor hun main kasrat-e-alam se kaif

log phir bhi mire jine ki dua karte hain