یہ کینوس پہ جو زرد چہرہ بنا رہے ہیں

یہ کینوس پہ جو زرد چہرہ بنا رہے ہیں

تمہیں خبر ہو خزاں کا نقشہ بنا رہے ہیں

عجیب گھر ہے جو تیلیوں سے بنا ہوا ہے

ہم اس میں مٹی سے اک پرندہ بنا رہے ہیں

چھپا رہے ہیں بڑی مہارت سے عیب ان کا

تبھی تو چہرے کا ایک حصہ بنا رہے ہیں

ہوائیں کرنیں پرند خوشبو گزر سکیں گے

اسے دریچہ نہ سمجھو رستہ بنا رہے ہیں

بنا رہے ہیں ہم ایک پینٹنگ میں ایک پٹری

اور اس میں ماضی کا ایک لمحہ بنا رہے ہیں

ye kainwas pe jo zard chehra bana rahe hain

tumhen khabar ho khizan ka naqsha bana rahe hain

ajib ghar hai jo teliyon se bana hua hai

ham is mein mitti se ik parinda bana rahe hain

chhupa rahe hain bari maharat se aib un ka

tabhi to chehre ka ek hissa bana rahe hain

hawaen kirnen parind khushbu guzar sakenge

use daricha na samjho rasta bana rahe hain

bana rahe hain ham ek penting mein ek patri

aur is mein mazi ka ek lamha bana rahe hain