ہوا بدن میں کسی یاد کی چلی جب بھی

ہوا بدن میں کسی یاد کی چلی جب بھی

مجھے لگا مجھے چھو کر گزر گیا ہے کوئی

میں ایک برگ تھا اور پیڑ سے جھڑا ہوا تھا

یہاں وہاں کی ہوا مجھ کو لے کے اڑتی پھری

گئے ہوؤں نے پلٹ کر کبھی نہیں دیکھا

یہ جانتے ہوئے بھی دل نے ضد نہیں چھوڑی

ادھر ادھر کی سنی تو خیال بٹنے لگا

ذرا سا شور تھما تو فضا بدلنے لگی

عجیب حالت دل ہے کہ کچھ خبر ہی نہیں

میں دل گرفتہ نہیں ہوں تو کیوں یہ حبس دمی

hawa badan mein kisi yad ki chali jab bhi

mujhe laga mujhe chhu kar guzar gaya hai koi

main ek barg tha aur per se jhara hua tha

yahan wahan ki hawa mujh ko le ke urti phiri

gae huon ne palat kar kabhi nahin dekha

ye jante hue bhi dil ne zid nahin chhori

idhar idhar ki suni to khayal batne laga

zara sa shor thama to faza badalne lagi

ajib halat-e-dil hai ke kuchh khabar hi nahin

main dil girafta nahin hun to kyun ye habs-e-dami