عجیب منطق ہے اس کو سوچیں گے خوش رہیں گے

عجیب منطق ہے اس کو سوچیں گے خوش رہیں گے

ہم اپنی آنکھوں میں دھول جھونکیں گے خوش رہیں گے

میں خستہ حالوں کی خستہ حالی پہ رو پڑا ہوں

یہ لوگ کاغذ کے پھول بیچیں گے خوش رہیں گے

کوئی تو ہے جو ہماری حالت پہ رو رہا ہے

ہم اس کے ہونے کی خیر مانگیں گے خوش رہیں گے

گزار لیں گے کسی دلاسے کی آڑ لے کر

کسی کے آنے میں وقت کاٹیں گے خوش رہیں گے

ajib mantiq hai us ko sochenge khush rahenge

ham apni ankhon mein dhul jhonkenge khush rahenge

main khasta halon ki khasta hali pe ro para hun

ye log kaghaz ke phul bechenge khush rahenge

koi to hai jo hamari halat pe ro raha hai

ham us ke hone ki khair mangenge khush rahenge

guzar lenge kisi dilase ki ar le kar

kisi ke ane mein waqt katenge khush rahenge