اسے چھپا لیا تھا میں نے آنکھ میں

اسے چھپا لیا تھا میں نے آنکھ میں

یہ لوگ خواب میں بھی جھانکنے لگے

مہک رہے ہیں یوں تو پھول اور بھی

مگر جو زخم تیرے ہاتھ سے لگے

میں جس لگن سے تجھ کو دیکھتا ہوں لوگ

اسی لگن سے مجھ کو دیکھنے لگے

تمہارے بعد کچھ نہیں کیا گیا

ہم اپنے ساتھ وقت کاٹنے لگے

چھوا تھا ایک بار اس کے ہاتھ کو

پھر اس کے بعد پھول کھردرے لگے

use chhupa liya tha main ne ankh mein

ye log khwab mein bhi jhankne lage

mahak rahe hain yun to phul aur bhi

magar jo zakhm tere hath se lage

main jis lagan se tujh ko dekhta hun log

isi lagan se mujh ko dekhne lage

tumhare baad kuchh nahin kiya gaya

ham apne sath waqt katne lage

chhua tha ek bar us ke hath ko

phir is ke baad phul khurdare lage