Arooz is now on the App Store, for iPhone and iPad. Download →

All poetry

کہتا ہے دیوانہ کیا

Zafar Mahmood zafar (b. 1964)

کہتا ہے دیوانہ کیا

سچ کیا ہے افسانہ کیا

مطلب کی اس دنیا میں

اپنا کیا بیگانہ کیا

تو بھی مسافر میری طرح

تیرا میرا ٹھکانا کیا

خود میں گم ہیں جب سب لوگ

زخموں کا دکھلانا کیا

بادل بارش سایہ دھوپ

سب سے دھوکا کھانا کیا

غم بھی اپنا خوشیاں بھی

پھر یہ رونا گانا کیا

دل بھی جھکے تو بات بنے

یوں ہی سر کو جھکانا کیا

بھول گیا مجھ کو اک شخص

اب اس کا یاد آنا کیا

تو بھی ظفرؔ خاموش ہے اب

بند ہوا مے خانہ کیا