داغ ہونے لگے ظاہر میرے

داغ ہونے لگے ظاہر میرے

تیز کر رنگ مصور میرے

میری آنکھوں میں سیاہی بھر دے

یا ہرے کر دے مناظر میرے

نقرئی جھیل بلاتی تھی انہیں

پھنس گئے جال میں طائر میرے

کون تحلیل ہوا ہے مجھ میں

منتشر کیوں ہیں عناصر میرے

ہے کہاں شنکھ بجانے والا

کب سے خاموش ہیں مندر میرے

سنگ سے جسم بھی کر اب مجھ کو

تو کہاں کھویا ہے ساحر میرے

لفظ کی قید رہائی کا ہنر

کام آ ہی گیا آخر میرے

dagh hone lage zahir mere

tez kar rang musawwir mere

meri ankhon mein siyahi bhar de

ya hare kar de manazir mere

nuqrai jhil bulati thi unhen

phans gae jal mein tair mere

kaun tahlil hua hai mujh mein

muntashir kyun hain anasir mere

hai kahan shanakh bajane wala

kab se khamosh hain mandir mere

sang se jism bhi kar ab mujh ko

tu kahan khoya hai sahir mere

lafz ki qaid rihai ka hunar

kam a hi gaya akhir mere