خزاں کے دوش پہ رکھتا ہے وہ بہار کا رنگ

خزاں کے دوش پہ رکھتا ہے وہ بہار کا رنگ

عجب ہے اس کی نگاہوں میں انتظار کا رنگ

عجب ہے رسم وفا اور اعتبار کا رنگ

کہ دل میں بن کے دھڑکتا ہے اس کے پیار کا رنگ

سکون دل کا ٹھکانا کہیں نہ مل پایا

بسا ہوا ہے نگاہوں میں جو دیار کا رنگ

لبوں پہ جھوٹا تبسم نمی سی آنکھوں میں

عیاں ہے چہرے سے اس کے فراق یار کا رنگ

امیر شہر کو ہم بے کسوں سے کیا مطلب

اسے تو چاہئے بس اپنے اقتدار کا رنگ

ہماری قوم کو پڑھنے دو قصے ماضی کے

خبر تو ہونے دو کیا تھا صلیب و دار کا رنگ

نہیں تھا شوق مجھے ہجرتوں کا کوئی ظفرؔ

دیار غیر میں لے آیا روزگار کا رنگ

khizan ke dosh pe rakhta hai wo bahar ka rang

ajab hai us ki nigahon mein intizar ka rang

ajab hai rasm-e-wafa aur etibar ka rang

ke dil mein ban ke dharakta hai us ke pyar ka rang

sukun-e-dil ka thikana kahin na mil paya

basa hua hai nigahon mein jo dayar ka rang

labon pe jhuta tabassum nami si ankhon mein

ayan hai chehre se us ke firaq-e-yar ka rang

amir-e-shahr ko ham be kison se kya matlab

use to chahiye bas apne iqtidar ka rang

hamari qaum ko parhne do qisse mazi ke

khabar to hone do kya tha salib-o-dar ka rang

nahin tha shauq mujhe hijraton ka koi zafar

dayar-e-ghair mein le aya rozgar ka rang