چڑھا ہوا ہے جو سورج وہ ڈھل بھی سکتا ہے

چڑھا ہوا ہے جو سورج وہ ڈھل بھی سکتا ہے

ہوائے وقت کا رخ تو بدل بھی سکتا ہے

خموش لب ہے جو دریا تو خیر ہے سب کی

بگڑ گیا تو وہ بستی نگل بھی سکتا ہے

چلو اے تشنہ لبو ہم اٹھائیں دست دعا

کہ آسمان دعا سے پگھل بھی سکتا ہے

مناؤ جشن مکمل بہار آنے پر

ابھی نیا سا ہے موسم بدل بھی سکتا ہے

وہ پھول جیسا بدن چاندنی سے ہے ڈرتا

کہ چاندنی میں بدن اس کا جل بھی سکتا ہے

تمہیں تو شوق ہے پھولوں کے ساتھ رہنے کا

ہمارا عزم جو کانٹوں پہ چل بھی سکتا ہے

ہے آسماں کی بلندی میں گھر ظفرؔ جس کا

زمیں کی حد سے وہ باہر نکل بھی سکتا ہے

charha hua hai jo suraj wo dhal bhi sakta hai

hawa-e-waqt ka rukh to badal bhi sakta hai

khamosh lab hai jo dariya to khair hai sab ki

bigar gaya to wo basti nigal bhi sakta hai

chalo ai tishna labo ham uthaen dast-e-dua

ke asman dua se pighal bhi sakta hai

manao jashn-e-mukammal bahar ane par

abhi naya sa hai mausam badal bhi sakta hai

wo phul jaisa badan chandni se hai darta

ke chandni mein badan us ka jal bhi sakta hai

tumhen to shauq hai phulon ke sath rahne ka

hamara azm jo kanton pe chal bhi sakta hai

hai asman ki bulandi mein ghar zafar jis ka

zamin ki had se wo bahar nikal bhi sakta hai