پاس رہ کر بھی بہت دور ہیں ہم بھی تم بھی

پاس رہ کر بھی بہت دور ہیں ہم بھی تم بھی

کس قدر بے بس و مجبور ہیں ہم بھی تم بھی

آج بھی اندھی سرنگوں میں بسر کرتے ہیں

اور اجالوں سے بہت دور ہیں ہم بھی تم بھی

کون قاتل ہے یہاں سب کو خبر ہے لیکن

گونگے بہرے بڑے مجبور ہیں ہم بھی تم بھی

جھک کے ملنا ہمیں عزت میں کمی لگتی ہے

کتنے کم ظرف ہیں مغرور ہیں ہم بھی تم بھی

سانس بھی اس کی ہے یہ جسم اسی کا تابع

اے ظفرؔ لاغر و معذور ہیں ہم بھی تم بھی

pas rah kar bhi bahut dur hain ham bhi tum bhi

kis qadar be bas-o-majbur hain ham bhi tum bhi

aj bhi andhi sarnigun mein basar karte hain

aur ujalon se bahut dur hain ham bhi tum bhi

kaun qatil hai yahan sab ko khabar hai lekin

gunge bahre bare majbur hain ham bhi tum bhi

jhuk ke milna hamen izzat mein kami lagti hai

kitne kam zarf hain maghrur hain ham bhi tum bhi

sans bhi us ki hai ye jism usi ka tabe

ai zafar laghar-o-maazur hain ham bhi tum bhi