جب تلک در پیش کوئی حادثہ ہوتا نہیں

جب تلک در پیش کوئی حادثہ ہوتا نہیں

زندگی کیا ہے ہمیں اس کا پتہ ہوتا نہیں

سیدھا رستہ دیکھنے میں یوں تو ہے آساں مگر

جب چلو اس پر تو یہ آسان سا ہوتا نہیں

سب نے پہنی ہیں قبائیں شہر بھر میں ایک سی

کون کیسا ہے یہاں اس کا پتہ ہوتا نہیں

ہے یہ نا ممکن نظر آ جائے جلوہ گاہ ناز

سجدہ گاہ عاشقاں پر نقش پا ہوتا نہیں

ہم نہ دیکھیں یہ الگ سی بات ہے لیکن ظفرؔ

کون سی شے ہے جہاں وہ رونما ہوتا نہیں

jab talak dar pesh koi hadisa hota nahin

zindagi kya hai hamen us ka pata hota nahin

sidha rasta dekhne mein yun to hai asan magar

jab chalo us par to ye asan sa hota nahin

sab ne pahni hain qabaen shahr bhar mein ek si

kaun kaisa hai yahan us ka pata hota nahin

hai ye na mumkin nazar a jae jalwa gah-e-naz

sajda gah-e-ashiqan par naqsh-e-pa hota nahin

ham na dekhen ye alag si bat hai lekin zafar

kaun si shai hai jahan wo runuma hota nahin