قرار ہوتے ہوئے بے قرار یعنی میں

قرار ہوتے ہوئے بے قرار یعنی میں

تمہارے ہجر کا اک سوگوار یعنی میں

وطن سے دور وطن کا مقیم یعنی تو

وطن میں رہ کے غریب الدیار یعنی میں

سراپا کبر و سراپا غرور یعنی تو

ترے غرور پہ ہر دم نثار یعنی میں

وفا و مہر و محبت کا نام یعنی تو

وفا و مہر و محبت شعار یعنی میں

ہر اک عمل سے مرے بے نیاز یعنی تو

نیاز و نذر دل و جاں گزار یعنی میں

امید آمد صبح بہار یعنی تو

اور اس بہار کا امیدوار یعنی میں

سخن میں تازہ خیالوں کی موج یعنی تو

سخن کو باعث صد افتخار یعنی میں

qarar hote hue be qarar yaani main

tumhare hijr ka ik sogwar yaani main

watan se dur watan ka muqim yaani tu

watan mein rah ke gharib alddiyar yaani main

sarapa kibr-o-sarapa ghurur yaani tu

tire ghurur pe har dam nisar yaani main

wafa-o-mehr-o-mohabbat ka nam yaani tu

wafa-o-mehr-o-mohabbat shiar yaani main

har ik amal se mire be niyaz yaani tu

niyaz-o-nazr-e-dil-o-jan guzar yaani main

umid amad subh-e-bahar yaani tu

aur is bahar ka umidwar yaani main

sukhan mein taza khayalon ki mauj yaani tu

sukhan ko bais-e-sad iftikhar yaani main