آرزوئیں نہ چھین خواب نہ چھین

آرزوئیں نہ چھین خواب نہ چھین

میرا سامان اضطراب نہ چھین

سر سے امید کا سحاب نہ چھین

میں کہ صحرا میں ہوں سراب نہ چھین

ہجر بے چینی بے بسی گریہ

یہ محبت کا ہے نصاب نہ چھین

زخم دل کی نہ چارہ سازی کر

میرے سینے کا ماہتاب نہ چھین

تاکنے دے حسین چہروں کو

یار مجھ سے مرا شباب نہ چھین

ختم ہونے نہ دے سیاہیٔ غم

میرے لفظوں کی آب و تاب نہ چھین

درد ماروں کے درد لکھنے دے

ہے یہی اک رہ ثواب نہ چھین

کھوجنا ہے مجھے خدا کا سراغ

واعظا ہاتھ سے کتاب نہ چھین

arzuen na chhin khwab na chhin

mera saman-e-iztirab na chhin

sar se ummid ka sahab na chhin

main ke sahra mein hun sarab na chhin

hijr be chini be basi girya

ye mohabbat ka hai nisab na chhin

zakhm-e-dil ki na chara sazi kar

mere sine ka mahtab na chhin

takne de hasin chehron ko

yar mujh se mira shabab na chhin

khatm hone na de siyahi-e-gham

mere lafzon ki ab-o-tab na chhin

dard maron ke dard likhne de

hai yahi ik rah-e-sawab na chhin

khojna hai mujhe khuda ka suragh

waza hath se kitab na chhin