اس واسطے لوگوں کو سنائی نہیں دیتے

اس واسطے لوگوں کو سنائی نہیں دیتے

ہم آہ تو بھرتے ہیں دہائی نہیں دیتے

کچھ درد ہیں ایسے کہ جو چہرے سے عیاں ہیں

کچھ زخم ہیں ایسے جو دکھائی نہیں دیتے

وہ راستے جچتے ہی نہیں اہل دلاں کو

وہ راستے جو آبلہ پائی نہیں دیتے

یادوں کی ہے اک بزم سجی خانۂ دل میں

اس بزم میں غیروں کو رسائی نہیں دیتے

ہم لوگ تعلق میں بہت صاف ہیں لیکن

ہم لوگ تعلق کی صفائی نہیں دیتے

is waste logon ko sunai nahin dete

ham ah to bharte hain duhai nahin dete

kuchh dard hain aise ke jo chehre se ayan hain

kuchh zakhm hain aise jo dikhai nahin dete

wo raste jachte hi nahin ahl-e-dalan ko

wo raste jo abla pai nahin dete

yadon ki hai ik bazm saji khana-e-dil mein

is bazm mein ghairon ko rasai nahin dete

ham log taalluq mein bahut saf hain lekin

ham log taalluq ki safai nahin dete