دل کھنڈر میں کھڑے ہوئے ہیں ہم

دل کھنڈر میں کھڑے ہوئے ہیں ہم

بازگشت اپنی سن رہے ہیں ہم

مدتیں ہو گئیں حساب کئے

کیا پتا کتنے رہ گئے ہیں ہم

جب ہمیں سازگار ہے ہی نہیں

جسم کو پہنے کیوں ہوئے ہیں ہم

رفتہ رفتہ قبول ہوں گے اسے

روشنی کے لیے نئے ہیں ہم

وحشتیں لگ گئیں ٹھکانے سب

دشت کو راس آ گئے ہیں ہم

دھن تو آہستہ بج رہی ہے رازؔ

رقص کچھ تیز کر رہے ہیں ہم

dil khandar mein khare hue hain ham

bazgasht apni sun rahe hain ham

muddaten ho gain hisab kiye

kya pata kitne rah gae hain ham

jab hamen sazgar hai hi nahin

jism ko pahne kyun hue hain ham

rafta rafta qubul honge use

raushni ke liye nae hain ham

wahshaten lag gain thikane sab

dasht ko ras a gae hain ham

dhun to ahista baj rahi hai raz

raqs kuchh tez kar rahe hain ham