Arooz is now on the App Store, for iPhone and iPad. Download →

All poetry

ان دیکھی اور بھولی بھالی دنیا ہے

Iftikhar Haidar (b. 1975)

ان دیکھی اور بھولی بھالی دنیا ہے

اس کھڑکی کے پار انوکھی دنیا ہے

آپ کا استحقاق تھا راہ بدل لینا

سب کا اپنا جیون اپنی دنیا ہے

چاند ستارے جگنو پھول کتابیں خواب

اک لڑکی کی کتنی پیاری دنیا ہے

دل کی بات بتا کر مجرم بن بیٹھے

استغفار خدایا کیسی دنیا ہے

عشق نگر میں کوئی پہلا پیر نہیں

خیر سے اپنی دیکھی بھالی دنیا ہے