وحشت فراق خوف ترا دھیان الامان

وحشت فراق خوف ترا دھیان الامان

کتنی بلائیں ہیں مری مہمان الامان

آنکھوں کو خیرہ کر گیا اک جلوۂ شریر

اور دل کو کھا گئی تری مسکان الامان

اک سلسلہ جڑا تھا کہ پھر آنکھ کھل گئی

کس درجہ ہو گیا مرا نقصان الامان

اے حسن دل فریب ذرا دیر کو فریب

کرنے لگا ہے ہجر پریشان الامان

اے عشق مہربان کوئی دم کوئی درود

ملتا نہیں کوئی بھی نگہبان الامان

ایسے نکلنا ہے تری بزم جمال سے

جیسے کسی بدن سے کوئی جان الامان

wahshat firaq khauf tira dhyan alaman

kitni balaen hain miri mehman-e-alaman

ankhon ko khira kar gaya ik jalwa-e-sharir

aur dil ko kha gai tiri muskan alaman

ik silsila jura tha ke phir ankh khul gai

kis darja ho gaya mira nuqsan alaman

ai husn-e-dil fareb zara der ko fareb

karne laga hai hijr pareshan alaman

ai ishq mehrban koi dam koi durud

milta nahin koi bhi nigahban-e-alaman

aise nikalna hai tiri bazm-e-jamal se

jaise kisi badan se koi jan-e-alaman