زخم دکھانے لگ جاتی ہے جان کو آنے لگ جاتی ہے

زخم دکھانے لگ جاتی ہے جان کو آنے لگ جاتی ہے

رات گئے تنہائی جس دم شور مچانے لگ جاتی ہے

عشق دماغ کی چکر بازی حسن سراسر دید کا دھوکہ

دل کو یہ سب کہتے کہتے عمر ٹھکانے لگ جاتی ہے

اس شرمیلی سی لڑکی سے جب بھی دل کی حالت پوچھی

سیدھی بات نہیں کرتی ہے نظم سنانے لگ جاتی ہے

رات کو محرم راز سمجھ کر رات سے راز کی بات کہو تو

رات کہاں چپ رہ پاتی ہے بات بڑھانے لگ جاتی ہے

اندر کے حالات کو باہر کی دنیا سے لاکھ چھپائیں

وحشت گھر کی بھیدی بن کر لنکا ڈھانے لگ جاتی ہے

zakhm dikhane lag jati hai jan ko ane lag jati hai

rat gae tanhai jis dam shor machane lag jati hai

ishq dimagh ki chakkar bazi husn sarasar did ka dhoka

dil ko ye sab kahte kahte umr thikane lag jati hai

is sharmili si larki se jab bhi dil ki halat puchhi

sidhi bat nahin karti hai nazm sunane lag jati hai

rat ko mahram raz samajh kar rat se raz ki bat kaho to

rat kahan chup rah pati hai bat barhane lag jati hai

andar ke halat ko bahar ki duniya se lakh chhupaen

wahshat ghar ki bhedi ban kar lanka dhane lag jati hai