چین آتا نہیں ان سے ملاقات کئے بن

چین آتا نہیں ان سے ملاقات کئے بن

بولیں نہ وہ میں رہتی نہیں بات کئے بن

کمبخت ہواؤں نے یہ کیا کہہ دیا ان سے

کیوں ابر اڑے جاتے ہیں برسات کئے بن

مے آ گئی گھر میں یہ خبر شیخ نہ سن لیں

لوٹ آئیں گے مسجد سے مناجات کئے بن

شاید انہیں ڈر ہو میں شکایات کروں گی

آئے تھے گئے پرسش حالات کئے بن

تم ان سے کوئی بات اشاروں میں نہ کرنا

کم فہم نہ مانیں گے سوالات کیے بن

سلطان کو اپنا کوئی شہکار نہ کر پیش

چھوڑے گا نہ وہ تجھ کو قلم ہاتھ کئے بن

کیا وضع بناتے ہیں سیاست کے مشائخ

عابد نظر آتے ہیں عبادات کیے بن

chain ata nahin un se mulaqat kiye ban

bolen na wo main rahti nahin bat kiye ban

kambakht hawaon ne ye kya kah diya un se

kyun abr ure jate hain barsat kiye ban

mai a gai ghar mein ye khabar shaikh na sun len

laut aenge masjid se munajat kiye ban

shayad unhen dar ho main shikayat karungi

ae the gae pursish-e-halat kiye ban

tum un se koi bat isharon mein na karna

kam fahm na manenge sawalat kiye ban

sultan ko apna koi shahkar na kar pesh

chhorega na wo tujh ko qalam hath kiye ban

kya waza banate hain siyasat ke mashaikh

abid nazar ate hain ubbadat kiye ban