حیا تو اس سے شرماتی بہت ہے

حیا تو اس سے شرماتی بہت ہے

پڑوسن میری اتراتی بہت ہے

وہ گھر میں چین سے رہتی ہے کم کم

مگر چھت پر نظر آتی بہت ہے

نہیں سنتی کسی کی اپنے آگے

سمجھتی کم ہے سمجھاتی بہت ہے

کرے ہے گفتگو سرگوشیوں میں

مگر زیور تو کھنکاتی بہت ہے

بڑی سنجیدہ بنتی ہے وہ لیکن

میاں سے چھپ کے مستانی بہت ہے

مرے اللہ اس کی گود بھر دے

وہ تنہا لوریاں گاتی بہت ہے

haya to us se sharmati bahut hai

parosan meri itrati bahut hai

wo ghar mein chain se rahti hai kam kam

magar chhat par nazar ati bahut hai

nahin sunti kisi ki apne age

samajhti kam hai samjhati bahut hai

kare hai guftugu sargoshiyon mein

magar zewar to khanakiti bahut hai

bari sanjida banti hai wo lekin

miyan se chhup ke mastani bahut hai

mire allah us ki god bhar de

wo tanha loriyan gati bahut hai