دھوپ کھڑکی سے سرہانے آئی

دھوپ کھڑکی سے سرہانے آئی

چاند خوابوں کے بجھانے آئی

ہائے وہ پھول سے ہنستے چہرے

یاد پھر ان کی رلانے آئی

دل چراغوں کے ابھی لرزاں ہیں

پھر ہوا ہوش اڑانے آئی

دل سلگتا تھا شب غم یوں ہی

چاندنی اور جلانے آئی

اٹھ ہوئی صبح اذاں کی آواز

نیند سے مجھ کو جگانے آئی

اوڑھ لی تو نے برہنہ تہذیب

شرم تجھ کو نہ زمانے آئی

اور پروینؔ سے حجت کیجے

آپ کی عقل ٹھکانے آئی

dhup khirki se sirhane ai

chand khwabon ke bujhane ai

hae wo phul se hanste chehre

yad phir un ki rulane ai

dil charaghon ke abhi larzan hain

phir hua hosh urane ai

dil sulagta tha shab-e-gham yun hi

chandni aur jalane ai

uth hui subh azan ki awaz

nind se mujh ko jagane ai

orh li tu ne barahna tahzib

sharm tujh ko na zamane ai

aur parwin se hujjat kije

ap ki aql thikane ai