چاند سورج مرے گھر آتے ہیں

چاند سورج مرے گھر آتے ہیں

کیا حسیں خواب نظر آتے ہیں

مجھ سے کہتے ہیں ٹھہر دم لے لے

راہ میں جتنے شجر آتے ہیں

دیکھنا مرے تخیل کا کمال

نہیں آتے وہ مگر آتے ہیں

برق ہنستی ہے نشیمن پہ مرے

ابر با دیدۂ تر آتے ہیں

دیکھ کر اپنے شکستہ دل کو

یاد محلوں کے کھنڈر آتے ہیں

ہے برا حال انہیں کیا معلوم

وہ بھلا کب مرے گھر آتے ہیں

سچ ہے پتھراؤ تبھی ہوتا ہے

جب درختوں پہ ثمر آتے ہیں

فون اٹھائے گی نہ پروینؔ اس وقت

بچے اسکول سے گھر آتے ہیں

chand suraj mire ghar ate hain

kya hasin khwab nazar ate hain

mujh se kahte hain thahar dam le le

rah mein jitne shajar ate hain

dekhna mire takhayyul ka kamal

nahin ate wo magar ate hain

barq hansti hai nasheman pe mire

abr ba dida-e-tar ate hain

dekh kar apne shikasta dil ko

yad mahlon ke khandar ate hain

hai bura hal unhen kya maalum

wo bhala kab mire ghar ate hain

sach hai pathrao tabhi hota hai

jab darakhton pe samar ate hain

fon uthaegi na parwin is waqt

bachche iskul se ghar ate hain