چاند پر کیوں میں اکیلی جاتی

چاند پر کیوں میں اکیلی جاتی

ساتھ کوئی تو سہیلی جاتی

آؤ مل جل کے سہیں ہجر کی دھوپ

مجھ سے تنہا نہیں جھیلی جاتی

بولنا مجھ سے نہ تم بند کرو

ہر طرف بات ہے پھیلی جاتی

ہم اگر عقل کو درباں کرتے

ہاتھ سے دل کی حویلی جاتی

ہائے صندل کے درختوں کی یہ راکھ

جان خوشبو کی نہ لے لی جاتی

بن تو سکتا تھا نیا اک کمرہ

اپنے آنگن کی چنبیلی جاتی

پیاس جاتی نہ اگر ساحل پر

کیوں سمندر میں اکیلی جاتی

چاند جھانکے جو کچن میں پروینؔ

مجھ سے روٹی نہیں بیلی جاتی

chand par kyun main akeli jati

sath koi to saheli jati

ao mil jal ke sahen hijr ki dhup

mujh se tanha nahin jheli jati

bolna mujh se na tum band karo

har taraf bat hai phaili jati

ham agar aql ko darban karte

hath se dil ki haweli jati

hae sandal ke darakhton ki ye rakh

jan khushbu ki na le li jati

ban to sakta tha naya ik kamra

apne angan ki chambeli jati

pyas jati na agar sahil par

kyun samundar mein akeli jati

chand jhanke jo kichan mein parwin

mujh se roti nahin beli jati