پیام غم کا وہی غم گسار دیتے ہیں

پیام غم کا وہی غم گسار دیتے ہیں

تسلیاں جو نئی بار بار دیتے ہیں

کہاں کا ہوش انہیں یہ تری ہے رسوائی

صدائیں تجھ کو جو دیوانہ وار دیتے ہیں

وہ آتے آتے یہ کہتے ہیں جلد جانا ہے

وہ جاتے جاتے نیا انتظار دیتے ہیں

بچا سکیں گے سفینوں کو خاک طوفاں سے

وہ ناخدا کہ جو ہمت ہی ہار دیتے ہیں

میں جب بھی ذکر کروں دل کی بے قراری کا

وہ مجھ کو صبر کا دشمن قرار دیتے ہیں

payam-e-gham ka wahi gham gusar dete hain

tasalliyan jo nai bar bar dete hain

kahan ka hosh unhen ye tiri hai ruswai

sadaen tujh ko jo diwana war dete hain

wo ate ate ye kahte hain jald jana hai

wo jate jate naya intizar dete hain

bacha sakenge safinon ko khak tufan se

wo nakhuda ke jo himmat hi har dete hain

main jab bhi zikr karun dil ki be qarari ka

wo mujh ko sabr ka dushman qarar dete hain