بس گیا ہے وہ چاند پر جا کر

بس گیا ہے وہ چاند پر جا کر

آؤ ملتے ہیں اس کے گھر جا کر

رخ بدل کر قریب سے گزرا

بات کی اس نے دور تر جا کر

وہی ماحول ہے وہی کہرام

ہم نے دیکھا نگر نگر جا کر

تم کو جانے تو دوں سوال یہ ہے

آئے واپس نہ تم اگر جا کر

وہی چہرہ تھا شاہکار ازل

بس وہیں رک گئی نظر جا کر

آسماں ہے ہمارے پاؤں تلے

کیوں زمیں سے لگے نہ سر جا کر

اپنے آنگن کو کہہ رہے ہو اجاڑ

دیکھ آئے ہو کس کا گھر جا کر

bas gaya hai wo chand par ja kar

ao milte hain us ke ghar ja kar

rukh badal kar qarib se guzra

bat ki us ne dur tar ja kar

wahi mahaul hai wahi kohram

ham ne dekha nagar nagar ja kar

tum ko jane to dun sawal ye hai

ae wapas na tum agar ja kar

wahi chehra tha shahkar-e-azal

bas wahin ruk gai nazar ja kar

asman hai hamare paon tale

kyun zamin se lage na sar ja kar

apne angan ko kah rahe ho ujar

dekh ae ho kis ka ghar ja kar