نہ بلاؤ مجھے خدا کی طرف

نہ بلاؤ مجھے خدا کی طرف

میں اسی کی ہوں بندگی میں لگی

جس میں تھی جنگلوں کی بے نظمی

وہ نمائش بھی شہر ہی میں لگی

رات میں نے پڑھی جو دھوپ کی نظم

بے مزہ ان کو چاندنی میں لگی

جام سقراط کیا پیا میں نے

پیاس مجھ کو نہ زندگی میں لگی

اور کچھ کام بھی کروں پروینؔ

تم تو ہو صرف شاعری میں لگی

na bulao mujhe khuda ki taraf

main usi ki hun bandagi mein lagi

jis mein thi jangalon ki be nazmi

wo numaish bhi shahr hi mein lagi

rat main ne parhi jo dhup ki nazm

be maza un ko chandni mein lagi

jam suqrat kya piya main ne

pyas mujh ko na zindagi mein lagi

aur kuchh kam bhi karun parwin

tum to ho sirf shayari mein lagi