ہم خدا تھے نہ خدائی اپنی

ہم خدا تھے نہ خدائی اپنی

کیا بیاں کرتے بڑائی اپنی

بس ترا دھیان مجھے آیا تھا

پھر کبھی یاد نہ آئی اپنی

سب پہنچ میں ہیں مگر کیا کہیے

کس کے دل تک ہے رسائی اپنی

دل میں لائے ترے خوابوں کا خیال

ہم نے خود نیند اڑائی اپنی

تم یہ کہہ دو چلو ہم ہار گئے

ختم کی میں نے لڑائی اپنی

کون سمجھے گا یہ آنسو ہیں گہر

کیوں لٹاتے ہو کمائی اپنی

ham khuda the na khudai apni

kya bayan karte barai apni

bas tira dhyan mujhe aya tha

phir kabhi yad na ai apni

sab pahunch mein hain magar kya kahiye

kis ke dil tak hai rasai apni

dil mein lae tire khwabon ka khayal

ham ne khud nind urai apni

tum ye kah do chalo ham har gae

khatm ki main ne larai apni

kaun samjhega ye ansu hain guhar

kyun lutate ho kamai apni