ابر رحمت گھروں پہ رہتے تھے

ابر رحمت گھروں پہ رہتے تھے

جب دوپٹے سروں پہ رہتے تھے

وہ بھی پردہ دروں میں شامل ہیں

پردے جن کے دروں پہ رہتے تھے

آج کے تاجور ہیں جو کل تک

وقت کی ٹھوکروں پہ رہتے تھے

ان کی کرچوں سے پاؤں زخمی ہیں

ہونٹ جو ساغروں پہ رہتے تھے

رقص کرتے تھے ہم بھی لیکن ہاں

مرکزوں محوروں پہ رہتے تھے

ہم کو رہنا پڑا وہاں پروینؔ

دل جہاں خنجروں پہ رہتے تھے

abr-e-rahmat gharon pe rahte the

jab dupatte saron pe rahte the

wo bhi parda darun mein shamil hain

parde jin ke darun pe rahte the

aj ke tajwar hain jo kal tak

waqt ki thokaron pe rahte the

un ki kirchon se paon zakhmi hain

hont jo sagharon pe rahte the

raqs karte the ham bhi lekin han

markazon mehwaron pe rahte the

ham ko rahna para wahan parwin

dil jahan khanjaron pe rahte the