سکندر کے سفر کی بات نکلے

سکندر کے سفر کی بات نکلے

کفن میں سے ہوں خالی ہاتھ نکلے

وہ کل کی فیس بک وہ کیفؔ و شعریؔ

وہ دیکھو چاند سورج ساتھ نکلے

میں نکلوں چاندی اور سونا پہن کر

مگر مٹی مری اوقات نکلے

توقع لے کے وہ آیا تھا لیکن

اسی جیسے میرے حالات نکلے

جہاں ارتھی اٹھائی جا رہی ہو

اسی کوچے سے کیوں بارات نکلے

ستاروں کا شرف کیا وہ تو پروینؔ

ہماری ذات کے ذرات نکلے

sikandar ke safar ki bat nikle

kafan mein se hun khali hath nikle

wo kal ki fis bik wo kaif-o-sheri

wo dekho chand suraj sath nikle

main niklun chandi aur sona pahan kar

magar mitti miri auqat nikle

tawaqqo le ke wo aya tha lekin

isi jaise mere halat nikle

jahan arthi uthai ja rahi ho

usi kuche se kyun barat nikle

sitaron ka sharaf kya wo to parwin

hamari zat ke zarrat nikle