اب وہ آنگن وہ گھر نہ کھپریلیں

اب وہ آنگن وہ گھر نہ کھپریلیں

پیڑ پنچھی نہ پھول اور بیلیں

زندگی ہم ترے محافظ ہیں

کیوں نہ پھر اپنی جان پر کھیلیں

آسماں سے ہمکتا رہتا ہے

چاند کو لاؤ گود میں لے لیں

اپنے گھر کی گھٹن ہی بہتر ہے

ہجرتوں کا عذاب کیوں جھیلیں

وزن پر ہوں غزل کے سب مصرعے

پیڑھیوں سے نہ اتریں یہ ریلیں

کیا جرائم کا سد باب ہوا

اور آباد ہو گئیں جیلیں

اب تو سستی ہے شاعری پروینؔ

لگتی رہتی ہیں آئے دن سیلیں

ab wo angan wo ghar na khaprailen

per panchhi na phul aur belen

zindagi ham tire muhafiz hain

kyun na phir apni jan par khelen

asman se hamkutta rahta hai

chand ko lao god mein le len

apne ghar ki ghutan hi behtar hai

hijraton ka azab kyun jhelen

wazn par hun ghazal ke sab misre

pirhiyon se na utren ye relen

kya jaraim ka sadd-e-bab hua

aur abad ho gain jelen

ab to sasti hai shayari parwin

lagti rahti hain ae din silen