لو وہ آنسو سجھائی دینے لگے

لو وہ آنسو سجھائی دینے لگے

دن میں تارے دکھائی دینے لگے

میں نے شکوہ کیا تھا دنیا کا

کیوں تم اپنی صفائی دینے لگے

میں نے ورثے میں حق جو مانگ لیا

دکھ مجھے میرے بھائی دینے لگے

درد اپنا کہوں وہ مجھ کو اگر

اپنے دل تک رسائی دینے لگے

میں نے اچھا کہا وفا نہ رہی

لوگ مجھ کو برائی دینے لگے

lo wo ansu sujhai dene lage

din mein tare dikhai dene lage

main ne shikwa kiya tha duniya ka

kyun tum apni safai dene lage

main ne wirse mein haq jo mang liya

dukh mujhe mere bhai dene lage

dard apna kahun wo mujh ko agar

apne dil tak rasai dene lage

main ne achchha kaha wafa na rahi

log mujh ko burai dene lage