بہت تھا ناز جن پر ہم انہیں رشتوں پہ ہنستے ہیں

بہت تھا ناز جن پر ہم انہیں رشتوں پہ ہنستے ہیں

ہمیں کیا رسم دنیا ہے کہ سب اپنوں پہ ہنستے ہیں

ہم ایسے لوگ دیواروں پہ ہنسنے کے نہیں قائل

مگر جب جی میں آتا ہے تو دروازوں پہ ہنستے ہیں

دوانہ کر گیا آخر ہمیں فرزانہ پن اپنا

کہ جن لوگوں کو رونا تھا ہم ان لوگوں پہ ہنستے ہیں

اب اس کو زندگی کہئے کہ عہد بے حسی کہئے

گھروں میں لوگ روتے ہیں مگر رستوں پہ ہنستے ہیں

یہاں اپنا پرایا کچھ نہیں خوشبو پہ مت جاؤ

گلوں میں پڑنے والے پھول گلدستوں پہ ہنستے ہیں

سمجھنے والے کیا کیا کچھ سمجھتے ہیں شررؔ صاحب

رگ معنی پھڑکتی ہے تو ہم لفظوں پہ ہنستے ہیں

bahut tha naz jin par ham unhen rishton pe hanste hain

hamen kya rasm-e-duniya hai ke sab apnon pe hanste hain

ham aise log diwaron pe hansne ke nahin qail

magar jab ji mein ata hai to darwazon pe hanste hain

diwana kar gaya akhir hamen farzana pan apna

ke jin logon ko rona tha ham un logon pe hanste hain

ab us ko zindagi kahiye ke ahd-e-be hissi kahiye

gharon mein log rote hain magar raston pe hanste hain

yahan apna paraya kuchh nahin khushbu pe mat jao

gulon mein parne wale phul guldaston pe hanste hain

samajhne wale kya kya kuchh samajhte hain sharar sahab

rag-e-maani pharakti hai to ham lafzon pe hanste hain