زندہ رہنے کا بھرم آ کے کہاں پر ٹوٹا

زندہ رہنے کا بھرم آ کے کہاں پر ٹوٹا

اک ستارہ سا مری شہ رگ جاں پر ٹوٹا

غیرممکن ہے مری خاک اڑاتا کوئی

میں کہ خود اپنی تباہی کے نشاں پر ٹوٹا

سود در سود مروت مری کام آئی ہے

جب میں اخلاص کی میزان زیاں پر ٹوٹا

زہر سا پھیل چکا ہے مری شریانوں میں

کون سا حرف مری نوک زباں پر ٹوٹا

سسکیاں بھر کے شررؔ کون وہاں روتا تھا

خیمۂ خواب سر شام جہاں پر ٹوٹا

zinda rahne ka bharam a ke kahan par tuta

ik sitara sa miri shah rag-e-jan par tuta

ghairmumkin hai miri khak urata koi

main ke khud apni tabahi ke nishan par tuta

sud dar sud murawwat miri kam ai hai

jab main ikhlas ki mizan-e-ziyan par tuta

zahr sa phail chuka hai miri sharyanon mein

kaun sa harf miri nok-e-zaban par tuta

siskiyan bhar ke sharar kaun wahan rota tha

khema-e-khwab sar-e-sham jahan par tuta