اہل زر کے عتاب ہیں کیا کیا

اہل زر کے عتاب ہیں کیا کیا

مفلسوں پر عذاب ہیں کیا کیا

روٹی کپڑا مکان علم و ہنر

زندگی تیرے خواب ہیں کیا کیا

بھوک بیکاری جبر لاچاری

عہد نو کے عذاب ہیں کیا کیا

شہر در شہر کر چلیں تاراج

شہر یاروں کے خواب ہیں کیا کیا

زندگی یوں ہی خرچ کرتے رہے

کیا بتائیں حساب ہیں کیا کیا

جو نہیں جانتے ہنر کیا ہے

ان کو بخشے خطاب ہیں کیا کیا

ظرف اہل جنوں سے گھبرا کر

عقل کے پیچ و تاب ہیں کیا کیا

برق و باراں جنوں قفس صیاد

فصل گل کے عذاب ہیں کیا کیا

اک نئے انقلاب کی خاطر

دہر میں پیچ و تاب ہیں کیا کیا

ایک دنیا نئی کریں تخلیق

اپنی آنکھوں میں خواب ہیں کیا کیا

ahl-e-zar ke itab hain kya kiya

muflison par azab hain kya kiya

roti kapra makan-e-ilm-o-hunar

zindagi tere khwab hain kya kiya

bhuk bekari jabr lachari

ahd-e-nau ke azab hain kya kiya

shahr dar shahr kar chalen taraj

shahr yaron ke khwab hain kya kiya

zindagi yun hi kharch karte rahe

kya bataen hisab hain kya kiya

jo nahin jante hunar kya hai

un ko bakhshe khitab hain kya kiya

zarf-e-ahl-e-junun se ghabra kar

aql ke pech-o-tab hain kya kiya

barq-o-baran junun qafas sayyad

fasl-e-gul ke azab hain kya kiya

ik nae inqilab ki khatir

dahr mein pech-o-tab hain kya kiya

ek duniya nai karen takhliq

apni ankhon mein khwab hain kya kiya