بہت حقیر ہیں ہم یہ گماں بدل ڈالو

بہت حقیر ہیں ہم یہ گماں بدل ڈالو

اٹھو اور اٹھ کے یہ تفسیر جاں بدل ڈالو

نگاہ رہتی ہو محدود جن کی پھولوں تک

تم ایسے تنگ نظر باغباں بدل ڈالو

فضائے امن اگر زندگی کی قاتل ہو

تو انقلاب سے امن و اماں بدل ڈالو

افق پہ سرخیٔ عزم و عمل جھلک اٹھی

نزول صبح ہے خواب گراں بدل ڈالو

قدیم و کہنہ ادب محترم سہی لیکن

نئی تلاش سے طرز بیاں بدل ڈالو

وقارؔ زیست سے پیدا کرو نئی تاریخ

جو سازگار نہ ہوں سرخیاں بدل ڈالو

bahut haqir hain ham ye guman badal dalo

utho aur uth ke ye tafsir-e-jan badal dalo

nigah rahti ho mahdud jin ki phulon tak

tum aise tang nazar baghban badal dalo

faza-e-amn agar zindagi ki qatil ho

tu inqilab se amn-o-aman badal dalo

ufuq pe surkhi-e-azm-o-amal jhalak uthi

nuzul-e-subh hai khwab-e-giran badal dalo

qadim-o-kohna adab mohtaram sahi lekin

nai talash se tarz-e-bayan badal dalo

waqar-e-zist se paida karo nai tarikh

jo sazgar na hun surkhiyan badal dalo