پڑی جب کسی کی نگاہ محبت

پڑی جب کسی کی نگاہ محبت

ملی اہل الفت کو راہ محبت

ستم ہے قیامت ہے آہ محبت

مری سمت ہوگی نگاہ محبت

ہزاروں حسیں جمع آ کر ہوئے ہیں

یہ محشر ہے یا جلوہ گاہ محبت

وہ اہل تمنا کو پہچان لیں گے

کہ چھپتی نہیں ہے نگاہ محبت

وفاؔ اس سے واقف نہیں وہ ستم گر

غضب ڈھائے گی میری آہ محبت

pari jab kisi ki nigah-e-mohabbat

mili ahl-e-ulfat ko rah-e-mohabbat

sitam hai qayamat hai ah-e-mohabbat

miri samt hogi nigah-e-mohabbat

hazaron hasin jama a kar hue hain

ye mahshar hai ya jalwa gah-e-mohabbat

wo ahl-e-tamanna ko pahchan lenge

ke chhupti nahin hai nigah-e-mohabbat

wafa us se waqif nahin wo sitam gar

ghazab dhaegi meri ah-e-mohabbat