وہی حادثوں کے قصے وہی موت کی کہانی

وہی حادثوں کے قصے وہی موت کی کہانی

ابھی دسترس سے باہر ہے شعور زندگانی

جو مٹا کے اپنی ہستی بنا غم گسار صحرا

اسے راس کیسے آتی ترے در کی پاسبانی

وہی شخص لاابالی ہوا منکر حقیقت

جسے چلمنوں کی سازش سے ملی تھی بد گمانی

نہ غبار کارواں ہے نہ نشان راہ منزل

کوئی عکس ماورا کی کرے کیسے ترجمانی

جو فضائے بحر و بر کو کرے اور بھی منور

کرو اے وفاؔ مسخر وہ شعاع آسمانی

wahi hadson ke qisse wahi maut ki kahani

abhi dastaras se bahar hai shuur-e-zindagani

jo mita ke apni hasti bana gham gusar-e-sahra

use ras kaise ati tire dar ki pasbani

wahi shakhs laubali hua munkir-e-haqiqat

jise chilmanon ki sazish se mili thi bad gumani

na ghubar-e-karwan hai na nishan-e-rah-e-manzil

koi aks mawara ki kare kaise tarjumani

jo faza-e-bahr-o-bar ko kare aur bhi munawwar

karo ai wafa musakhkhar wo shua-e-asmani