مرنے کی آرزو میں مجھے پیچ و تاب ہے

مرنے کی آرزو میں مجھے پیچ و تاب ہے

اب زندگی بھی باعث صد اضطراب ہے

موج خلش نے لے کے یہ آغوش میں کہا

دریائے آرزو بھی برنگ سراب ہے

صحرا میں خاک اڑانے کی حاجت نہیں مجھے

مجھ سے مرے جنوں کو بھی اب اجتناب ہے

پوچھو نہ حال لذت آزار اے وفاؔ

نقش سکوں بھی مائل صد انقلاب ہے

marne ki arzu mein mujhe pech-o-tab hai

ab zindagi bhi bais-e-sad iztirab hai

mauj-e-khalish ne le ke ye aghosh mein kaha

dariya-e-arzu bhi barang-e-sarab hai

sahra mein khak urane ki hajat nahin mujhe

mujh se mire junun ko bhi ab ijtinab hai

puchho na hal lazzat-e-azar ai wafa

naqsh-e-sukun bhi mail-e-sad inqilab hai