نظر کو وقف جمال کر کے نہ ذکر کر لطف زندگی کا

نظر کو وقف جمال کر کے نہ ذکر کر لطف زندگی کا

حصول مقصد جہاں میں مشکل یہاں ہوا کون کب کسی کا

اسی کی اب تک نوائے رنگیں بنی ہوئی ہے حیات انساں

سکوت پیہم کے بعد تو نے جو ساز چھیڑا تھا زندگی کا

جنون فطرت بھی پل رہا تھا نقوش حسرت ابھر رہے تھے

نوید الفت کو سن کے چونکے کرم تھا شاید یہ بے خودی کا

کبھی نہ آنکھوں سے اشک نکلے کبھی نہ شکوہ زباں پہ آیا

یقین ہے تم تڑپ اٹھوگے کہوں گا جب حال بے بسی کا

اسی کے سننے کی ہے تمنا وفاؔ اسی کی مجھے ہوس ہے

نوائے الفت کے ساتھ اس نے جو ساز چھیڑا تھا زندگی کا

nazar ko waqf-e-jamal kar ke na zikr kar lutf-e-zindagi ka

husul-e-maqsad jahan mein mushkil yahan hua kaun kab kisi ka

usi ki ab tak nawa-e-rangin bani hui hai hayat-e-insan

sukut-e-paiham ke baad tu ne jo saz chhera tha zindagi ka

junun-e-fitrat bhi pal raha tha nuqush-e-hasrat ubhar rahe the

nawed-e-ulfat ko sun ke chaunke karam tha shayad ye be khudi ka

kabhi na ankhon se ashk nikle kabhi na shikwa zaban pe aya

yaqin hai tum tarap uthoge kahunga jab hal-e-be basi ka

usi ke sunne ki hai tamanna wafa usi ki mujhe hawas hai

nawa-e-ulfat ke sath us ne jo saz chhera tha zindagi ka