Arooz is now on the App Store, for iPhone and iPad. Download →

All poetry

وہاں ہر آدمی چکرا گیا ہے

Ghayur Jafari (1946–2001)

وہاں ہر آدمی چکرا گیا ہے

جہاں سے راستہ بل کھا گیا ہے

کوئی اک پل میں غائب ہو چکا ہے

کسی کو دیر تک سوچا گیا ہے

کہیں پر شور آوازوں کا جنگل

کہیں تا دور سناٹا گیا ہے

اب اتنا تو ہواؤں میں نہ پھینکو

کبھی پتھر بھی واپس آ گیا ہے

ہے ذکر اپنی ہی شوریدہ سری کا

کہ آخر آج اسے ہو کیا گیا ہے

برہنہ تھا مری آنکھوں میں کوئی

پڑی اپنی نظر شرما گیا ہے