کبھی خاک میں لاش ڈھک جائے گی

کبھی خاک میں لاش ڈھک جائے گی

اندھیرے میں ہڈی چمک جائے گی

مرا حشر یہ ہے کہ اک چھپکلی

مرے ذہن سے ہی چپک جائے گی

کوئی راہ پائے نہ پائے مگر

ہوا پانیوں کو تھپک جائے گی

نہ وہ مجھ سے اتنا قریب آئے گا

نہ میری صدا دور تک جائے گی

قدم جتنا آگے ہے پیچھے بھی ہے

خود اپنے ہی اندر سڑک جائے گی

خدا بن گئی ہے گڈریے کی سوچ

کوئی بھیڑ کیسے بھٹک جائے گی

kabhi khak mein lash dhak jaegi

andhere mein haddi chamak jaegi

mira hashr ye hai ke ik chhipkali

mire zehn se hi chapak jaegi

koi rah pae na pae magar

hawa paniyon ko thapak jaegi

na wo mujh se itna qarib aega

na meri sada dur tak jaegi

qadam jitna age hai pichhe bhi hai

khud apne hi andar sarak jaegi

khuda ban gai hai gadarye ki soch

koi bhir kaise bhatak jaegi