ہر شخص کو حیرت کی تصویر بنا دے گا

ہر شخص کو حیرت کی تصویر بنا دے گا

اب کیا کسی پیکر کو آئینہ جلا دے گا

رجعت بھی کرے گا تو ٹھہرا ہوا سیارہ

سورج کی محبت میں گھر اپنا جلا دے گا

کم بخت کو اتنا بھی احساس نہیں شاید

جینے کے لئے اپنے اوروں کو دعا دے گا

کچھ یاد نہیں مجھ کو میں کون ہوں کیسا ہوں

کیا کوئی مجھے میری پہچان بتا دے گا

سوچو تو غیورؔ اس کا احساس بھی قاتل ہے

اک بار تو ہنس دے گا سو زخم لگا دے گا

har shakhs ko hairat ki taswir bana dega

ab kya kisi paikar ko aina jala dega

rajat bhi karega to thahra hua sayyara

suraj ki mohabbat mein ghar apna jala dega

kam bakht ko itna bhi ehsas nahin shayad

jine ke liye apne auron ko dua dega

kuchh yad nahin mujh ko main kaun hun kaisa hun

kya koi mujhe meri pahchan bata dega

socho to ghayur us ka ehsas bhi qatil hai

ik bar to hans dega so zakhm laga dega