پسینہ ماتھے سے بہہ رہا ہے نہ کوئی سلوٹ لباس پر ہے

پسینہ ماتھے سے بہہ رہا ہے نہ کوئی سلوٹ لباس پر ہے

عجب تھکن ہے جو کام کرنے سے قبل طاری حواس پر ہے

سفید رت میں گلاب ہاتھوں سے سات رنگوں کے خواب چنتی

کپاس چننے کو آئی لڑکی کا دھیان تھوڑی کپاس پر ہے

سمندروں کے مسافرو کچھ اضافی پانی بھی ساتھ رکھنا

کہ اک جزیرہ بڑی ہی مدت سے چند قطروں کی آس پر ہے

مری محبت ابلتے الفاظ کی نہ محتاج ہے نہ ہوگی

یہ ٹھنڈا پانی گلاس میں ہے مگر پسینہ گلاس پر ہے

بدن کا ہر ایک عضو دل کا کیا کرایا بھگت رہا ہے

اس اک سٹوڈنٹ کی خطا کا عتاب ساری کلاس پر ہے

pasina mathe se bah raha hai na koi salut libas par hai

ajab thakan hai jo kam karne se qabl tari hawas par hai

safed rut mein gulab hathon se sat rangon ke khwab chunti

kapas chunne ko ai larki ka dhyan thori kapas par hai

samundaron ke musafiro kuchh izafi pani bhi sath rakhna

ke ik jazira bari hi muddat se chand qatron ki as par hai

miri mohabbat ubalte alfaz ki na mohtaj hai na hogi

ye thanda pani gilas mein hai magar pasina gilas par hai

badan ka har ek uzw dil ka kiya karaya bhagat raha hai

is ik situdint ki khata ka itab sari kilas par hai