دیر و کعبہ کی عظمت مسلم مگر

دیر و کعبہ کی عظمت مسلم مگر

مے کدہ بھی خدا ہی کے گھر سا لگے

چاند تاروں کی جو دے رہا ہے خبر

دیکھنے میں تو وہ بے خبر سا لگے

گمرہی میں بھی دیوانۂ دل فگار

منزل ہوش کا راہبر سا لگے

یہ جہاں رشک جنت ہے کس کے لیے

اور کسی کو یہی درد سر سا لگے

جھیل میں ادھ کھلے پھول پر چاندنی

ہم کو منظر یہ تیری نظر سا لگے

شمع بزم ادب تھا وہ کل تک مگر

آج لاغرؔ چراغ سحر سا لگے

dair-o-kaaba ki azmat muslim magar

mai kada bhi khuda hi ke ghar sa lage

chand taron ki jo de raha hai khabar

dekhne mein to wo be khabar sa lage

gumrahi mein bhi diwana-e-dil figar

manzil-e-hosh ka rahbar sa lage

ye jahan rashk-e-jannat hai kis ke liye

aur kisi ko yahi dard-e-sar sa lage

jhil mein adh khule phul par chandni

ham ko manzar ye teri nazar sa lage

sham-e-bazm-e-adab tha wo kal tak magar

aj laghar charagh-e-sahar sa lage