خود عرش بریں کو بھی جھکتے ہوئے پایا ہے

خود عرش بریں کو بھی جھکتے ہوئے پایا ہے

سر جب بھی کبھی ہم نے سجدے میں جھکایا ہے

دنیا کے ارادوں کو یہ بھانپ گیا ہوگا

پژمردہ سا جو چہرہ سورج نے بنایا ہے

مے خانۂ الفت کے مے خوار کو دنیا نے

سولی پہ چڑھایا ہے اور زہر پلایا ہے

نادار کا مولا ہے بہتوں سے سنا ہے یہ

پھر کونسی طاقت نے مفلس کو ستایا ہے

تقدیر کے ہاتھوں سے تدبیر پٹی لیکن

تقدیر کا سر اکثر ہمت نے جھکایا ہے

اس راز کو اے لاغرؔ کوئی بھی نہیں سمجھا

کیا سوچ کے خالق نے دنیا کو بنایا ہے

khud arsh-e-barin ko bhi jhukte hue paya hai

sar jab bhi kabhi ham ne sajde mein jhukaya hai

duniya ke iradon ko ye bhanp gaya hoga

pazhmurda sa jo chehra suraj ne banaya hai

mai khana-e-ulfat ke mai khwar ko duniya ne

suli pe charhaya hai aur zahr pilaya hai

nadar ka maula hai bahuton se suna hai ye

phir konasi taqat ne muflis ko sataya hai

taqdir ke hathon se tadbir piti lekin

taqdir ka sar aksar himmat ne jhukaya hai

is raz ko ai laghar koi bhi nahin samjha

kya soch ke khaliq ne duniya ko banaya hai